周秀娜（Chrissie）育有2只愛貓Ballball及Bearbaer，喺家中地位崇高嘅佢哋，獲Chrissie全天候服侍照顧，而日前為咗慶祝Bearbear 2歲生日嘅Chrissie，更喺社交網曬出慶生影片，除咗有Bearbear療愈感十足嘅肉泥「吃播」外，就連Chrissie嘅香閨都意外曝光！

Chrissie日前喺社交網曬出一輯愛貓靚相，寫道：「希望你日日都系咁活力充沛！」成輯相除咗有Bearbear嘅單「貓」相、肉泥「吃播」外，其中一張Bearbear喺Chrissie大髀留低嘅貓仔腳印，更系引嚟唔少宅男羨慕。

另外，當Bearbear返咗去專屬太空艙休息時，Chrissie嘅香閨竟然透過倒影意外曝光，只見整體布置簡潔嘅客廳，擺滿曬貓仔用品，可惜由于系反射嘅關系，雖然未能正式一睹Chrissie香閨嘅全貌，不過女神嘅私生活都勾起唔少網友興趣，并掀起網絡熱話。