周秀娜（Chrissie）此前出席品牌活動，透露接下會拍攝兩部電視劇，而其中一部有頗多動作戲，正密鑼緊鼓與武術指導積極加操，卻因此受傷：「係以前拍動作戲嘅舊患，可能再郁番唔覺意扭到，完咗直情行唔到，要即刻搵相熟醫生幫我整返。」
周秀娜腹肌很是吸睛。
談起娜姐近來愈來愈瘦削，令粉絲相當擔心其健康，她就說：「自己都想食多啲嘢增肥，想有多啲肌肉。」是日穿上半截上衣登場的娜姐露出11字腹肌，身材Fit爆，她分享秘訣指：「做多啲武術，但係要食嘢嘅，唔食嘢始終好難長肉，冇脂肪就好難變肌肉，所以自己近排都不停食嘢，當然係健康、有用嘅食物、食多啲肉。
」
